KUCH BHI NAHI.....

JINDAGI TUNE MUJHE KYA DIYA, KUCH BHI NAHI,
TERE DAMAN ME MERE NAAM KYA HAI, KUCH BHI NAHI

MERE HATHO KI CHAHE TO TALASHI LE LO,
MERE HATHO ME LAKIRO KE SIVA, KUCH BHI NAHI


MAINE DEKHA HAI KAI AISE KHUDAON KO, SAMNE JINKE,
WO SACHMUCH KA KHUDA , KUCH BHI NAHI


YA KHUDA ABKE KIS RANG ME AAYI HAI HAWA,
GARD HI GARD HAI PHOOLON PE AUR, KUCH BHI NAHI


DIL BHI EK JID PER ADA HAI BACCHO KI TARAH,
YA TO SAB KUCH CHAHIYE YA, KUCH BHI NAHI

JARA RUK...

jaati kahan hai jindagi nakaam, jara ruk,
leti ja meri maut ka paigam, jara ruk,

barbad-e-dil me ab na rahi koi aarzu,
dhalne lagi hai dhadkano ki sham, jara ruk,

kahte hain diwano ki saja maut hai yahan,
dekhunga main bhi apna ab anjam, jara ruk,

kai log jal rahe hain meri khushi se aaj,
kal loon main khud ko badnaam, jara ruk

aawaz aa rahi hai kahin door se mujhe,
hoga kisi ko mujhse koi kaam, jara ruk

kuch dost dekhte hain mujhe bhigi palko se,
bita loon main unke beech ek sham, jara ruk

soye hue hain sab abhi apne gam me yahan,
pii loon main "ajji" apna akhari ek jaam, jara ruk

KITNE....???

khud numai ke liye aage the chehre kitne,
aajmaish ki ghadi aayi to thahre kitne

julm jo dhaye hain unka tumhe andaj nahi,
jakhm seene me hamare hue gahre kitne

mere rone pe hasi meri udane walon,
main hasunga to utar jayenge chehre kitne.....

KACCHI DIWAR HOON, THOKAR NA LAGANA MUJHKO,
APNI NAZARO ME BASA KER NA GIRANA MUJHKO,

TUMKO AANKHON ME TASSAWWUR KI TARAH RAKHTA HOON,
DIL ME DHADKAN KI TARAH TUM BHI BASANA MUJHKO,

BAAT KARNE ME JO MUSHKIL HO TUMHE MAHFIL ME,
MAIN SAMAJH JAUNGA NAJARO SE BATANA MUJHKO......

HUM......

hum chato per patange udate rahe,
wo mundero pe kapde sukhate rahe,

haath aa hi gaye unke kai moti,
jo samandar me gote lagare rahe,

jahan per hadso ka asar ye hua,
udte jugnu bhi hamko darate rahe,

gulista is tarah se bacha doston,
wo jalate rahe hum bujhate rahe,

thak ke so gaye maut ki god me,
hum na jage hame sab jagate rahe,

maykade me kai aur bhi the,
log jabran hame hi pilate rahe,

haar kabhi humne maani nahi,
aandhiyon me diye hum jalate rahe......

NAHI KARTE......

banjare hain, rishton ki tizarat nahi karte,
hum log dikhawe ki mohabbat nahi karte,

milna hai to aa jeet le maidan me humko,
hum apne kabeelon se bagawat nahi karte,

toofan se ladne ka tareeka hai jaruri,
hum dubne walon ki himayat nahi karte,

palakon pe sitare hain, na shabnam hai, na jugnu,
is tarah to dushman ko bhi rukhsat nahi karte,

har waqt bade logon ki ek bheed hai "ajji",
hum itne khudaon ki ibadat nahi karte...........

jindagi ki mahfil me, aise kaun aata hai,
koi shaksh milta hai, jab khuda milata hai,

yun to main sunata hoon, jo bhi yaad aata hai,
aadmi na jane kyun, sun ke bhool jata hai,

tum mere kareeb aao dil ki roshni bankar,
chand ka bharosa kya, chand doob jata hai,

takte takte rahon ko, thak gai meri aankhen,
jane kab wo aayega, dil jise bulata hai,

mere dil ki duniya me, ek charag hai,
jo mujhe andheron me, rasta dikhata hai....